EUSKAL HERRIKO SAGARDO GORENAK

Izenak berak dioen bezala, bertakoak eta kalitate gorenekoak diren sagardoak identifikatzen dituen marka da.

GORENAK txapela daraman sagardo botila bakoitzak kalitate kontrolak gainditu, eta nota onak atera ditu Fraisoro Laborategiko dastaketa akreditatuetan.

Gutxiek ziurtatu dezakete kalitate goren hori, Gaztañagak kalitate hori ziurtatzerik badu.

BERTAKO SAGARONDOAK

Gaztañaga sagardoak Gorenak kalitatezko ziurtagiria dauka. Kalitate hori lortu eta eutsi ahal izateko bertako sagarrekin egindako sagardoa dugu Gaztañagakoa, kalitate gorena zihurtatuaz. Sagar gehiago behar izanez gero, geuk aukeratutako kanpoko sagarrak ekartzen ditugu, beti ere onenak aukeratuaz.

PROZESUA

Sagardoa egiteko prozesua, iraila bukaera urri hasiera inguruan hasten dugu, sagar biltzearekin. Sagar biltzeak azaro erdi aldera arte iraungo du, beranduko sagarrak jasotakoan.

Sagardoa, urtarriletik aurrera dastatu ahal izango da txotxean, apirila bukaerara arte eta urte osoan botilan.

PRODUKTUA

Sagardoa iragazi edo filtratu gabeko edaria denez, sedimentuak ondoratzen joango dira denborarekin. Ireki aurretik botila buruz behera jarri eta astindu egingo dugu, sagardoa homogeneizatzeko.